Вай республикан гойтам ба, ГӀалгӀайчен эггара хозагӀа йолча моттигера лоаман ши гӀала макеташца гойташ, цига хьажа мел боагӀача наьха теркам тӀабодаш я уж, вай мехкарча хьаьший, туристий цецбалар хьагуш да цига.

«ВДНХ гойташ йолча макеташ тӀара гӀалаш яьраш, шоайла яхь лелаеш хинна ши кхалсаг я, яхаш, дувц. Укх деношка кхаччалца, ца йохаш латта гӀалаш хьалъяьраш цхьан сагага маьре йолаш хинна ши энгар я, йоах. Ши сесаг цхьан маьрага хилар, из даим цӀенъюкъе латта дов да, оалаш хезад вайна, бакъда уж шоайла чӀоагӀа тарлуш баьхаб. Царех хӀаране цхьацца воӀ хиннав, цар цхьан дийнахьа лаьрхӀад, саг тӀакхачара хала йолча моттиге ши тӀема гӀала хьалйотта. Таханалцца, уж цӀимхара ши гӀала, из еррига чӀоже лораеш латташ я. Вай республикан экспозицега хьажа мел веначунна из дӀахозаш да», - аьлар «Сердало» газетага Москверча ГӀалгӀайчен массазарча викалаша.

«Хургдар зизашца да» яхача экспозицерча зизашта юкъе го йиш я, дарба доала эрий тӀадоала зизаш а.

ГӀалгӀай маӀача наха, дӀаяхача ханашка денз, леладаьд уж а баьцаш а гаьнарча наькъа болхаш, шоашца уж йокъаяь баьцаш йоацаш наькъа арабоалаш хиннабац.