ГӏалгӀайче дакъа лоацаш яр «Са къахьегама кхоачарле» яхача мехкашта юкъерча боламе
МагӀалбика кхален Кердача Реданта культуран Цӏено дика дакъа лаьцар «Са къахьегама кхоачарле» яхача мехкашта юкъерча боламе, из вӀашагӀъеллаяр Селий мехка халкъа кхоллама Цӏено. Кхетаче лаьрхӀа яр дезалера Ӏадаташ лорадара, ноахалашта юкъера бувзам чӀоагӀбара, кагирхошта Даьхенцара безам совбоаккхаш кхетам балара. Цу болама чудоагӀаш, шоай дезалера истореш дийцар, тамашийна архивий каьхаташ, сурташ гойтар, иштта тӀехьенгара тӀехьенга кхоачаш дола мах бола гӀирсаш а дар цу юкъе.
«Цига дика тӀаийцар тха културан-салоӀама моттигера викалаш Лаьнанаькъан Аьсет, Дзовранаькъан Хади, Лаьнанаькъан Заретхан. Исторически дагалоаттам, дезалера Ӏадаташ лорадара, кхувш йоагӀача тӀехьенна Даьхенцара безам совбоаккхаш кхетам балара юкъе цар дика дакъа лаьцар. Царна делар сийлен дипломаш», - аьлар «Сердало» газетага Кердача Реданта культуран Цӏен кулгалхочо Хоаной Марета.
«Са къахьегама кхоачарле» яха мехкашта юкъера болам дӀахьош бар Сийлахь-боккхача тӀем тӀа Котало яьккха 80 шу дизара хетабаь. Цига дакъа лоацаш хиланнача ГӏалгӀайчен викалаша гойтар моттигерча Ӏадатий мах бараш, мехкашцара бувзам чӀоагӀбир.
