СКФО чуйоагӀача моттигий кхетаче дакъа лоацаш хилар вай мохк
14.07.2025 11:31
РФ Ӏилман, лакхерча дешарах йолча Министерствоc вӀашагӀъелла «Лакхерча дешара халкъашта юкъера болх: кердача оагӀонца из дӀабахьар» яха кхетаче хилар Пятигорске. Вай мехкара цига дакъа лоацаш бар ИнгГУ ректор Ӏалбаканаькъан Фатима, дешара гӀулакхех болча оагӀон проректор Лаьнанаькъан Светлана. «Сердалога» из хоам бир цу моттигера.
Кхетаче дувца оттадаь керттера дош - кердача, таханарча хано дӀадеххача тайпара вузера дешара гӀулакх тоадар. Цул совгӀа, тайп-тайпарча моттигашкара гулбеннача болхлошта боккха пайда луш, цхьацца хӀама дӀа-хьа эца аьттув луш яр из кхетаче.
«Къилбаседа Кавказерча федеральни университета дешара политика хьаоттаеча балха юкъе дакъа лаьцарг хилар вай университет», - дийцар тхога ИнгГУ.
