ГӏалгӀайче дакъа лоацаш хилар, Москве Россе халкъа цхьоагӀон Шу хьаделлача
«Росси» яхача Къаман центре хьайийллар «Росси - дезалий дезал» яха кхетам балара марафон, из дӀахьош яр «Дешар» яха российски юкъарло я. Кхетаче дӀаяхьар дувзаденна дар вай мехка къамий цхьоагӀон Шу дӀадолалуш хиларца, цох дика майда хилар Россе дукхача къамий юкъарлон викалашта, шоайла дагабалара. Вай мехка 190 совгӏа къамий викалаш вӀашагӀкхийттача, ГӏалгӀайче а яр дакъа лоацаш.
ГӏалгӀай республикера, цу лоархӀамеча кхетачене дакъа лоацаш ба Российски Федераце Президента чуйоагӀаш йолча массазарча ГӏалгӀайчен викалгара, иштта мехка къаман политикан Министерствон оагӏонгара нах. Царца ба, халкъашта юкъера гӀулакх, барт чӀоагӀбара даькъ тӀа, хьинаре дакъа лоацаш бола мехка кагирхой. Цо белгалду, ГӏалгӀайче Россе дукхача къамий дезала цхьа дакъа хилар. Кхетам балара марафон дика майда хилар, культуран тӀехьале, Ӏадаташ, иштта гӀалгӀай къаман мах бараш гойтара, Россе юкъара къамий цхьоагӀо чӀоагӀъяра, цу юкъе шийгара дакъа лоацаш хилар вай мохк.
Кхетаче дӀахьош, мехка викалаша дакъа лоац дагабоалаш долча къамаьлашка, говзанча хьехамашка, культуран программашка»,-аьлар «Сердало» газетага Москверча массазарча викала фусаме.
«Росси - дезалий дезал» яха кхетам балара марафон дика дӀайолаелар къамий цхьоагӀон Шу хилар белгалдеш, цо хьагойт дукха къамаш хилар – из дац уж къоастадеш хилар, мохк вӀашагӀхотташ бола низ ба из.
