Гӏалгӏайче дакъа лоацаш хилар, Россе спорта Министерствон балха хетаяьча кхетаче
Укх деношка Москве дӏайихьар Россе спорта Министерствон балха хетаяь кхетаче. Гӏалгӏайчера цига ваха хилар республикан спорта министра гӏонча Султиганаькъан Тӏахӏир, яхаш, хоам бу «Сердало» газетага моттигерча боахаме.
«Кхетаче дӏахьош, доакъашхоша теркам тӏабахийтар Россе Президента Путин Владимира тӏадиллача декхара: бераш-ондаргаш, иштта ма хулла дукхагӏа нах спорта юкъеозара. Бераш, кагирхой цу юкъеозара дола керттера декхараш белгалдир. Уж дар цахаддаш физически культуранцара болх дӏахьош хилар», - йоах хоамо.
Кхетачен кулгалхочо Дегтярев Михаила теркам тӏабахийтар хьакхолла дезача моттигашкарча спортивни хьалашта, иштта цу лостамагӏа Беларусь Республикаца бувзам лелабара.
Тхога хоам баьчо яхачох, кхетаче чакхъяьлча берригаш дакъа лоацаш хилар Ерригроссийски спортивни диктант яздеча.
