Россе кинематографистий Союза кхетачен юкъе, дакъа лоацаш хилар вай республика
Кинематографистий Союза респбликерча оагӀон кулгал деча Дзортанаькъан Мадинас дакъа лаьцар «Кагирхой хьаллацар, моттигера кино доаржадар» яхача Россе кинематографистий Союза кхетаче. Из хоам «Сердалога» бир театра, кинон гӀулакхех йолча моттиго.
«Видеобувзаме гӀолла дӀайихьача кхетаче белгалдир, цу лостамагӀа малагӀа болх дӀабахьа беза. Кхетаче дакъа лоацаш бар РФ СК кулгал деш вола Михалков Никита, цун гӀонча Лаврентьев Клим, иштта моттигашкара цу оагӀонцара кулгалхой. Кинопроекташ йоаржае гранташца гӀо дарах, моттигашта кхыдола новкъостал лоаттадарах дийцар бувзаме баьннараша», - йоах тхогарча хоамо.
Дзортанаькъан Мадинас дийцар, кинематографа гӀо деш йола программа хьакхолларах, кагирхой цу балха юкъе чуозарах, уж Ӏомабергбола моттигаш хьайийлла, начӀал дола къонабараш кийчбарах.
