ГӀалгӀай мехка хьаллаьцар, «ЛаьрххӀа декхар кхоачашду ГӀордада» яха болам
ГӀалгӀай Республике гӀолла йола Росгварде урхалле юкъеяхай «ЛаьрххӀа декхар кхоачашду ГӀордада» яхача Ерригроссийски болама. Из гӀулакх хьаллоацаш, тӀемхоша тӀаденача 2025 шерца даькъалабийцар «Ӏунал» яхача Эбарга-Юртарча берий цӀен-интерната бахархой. Цох бола хоам газетага бу вӀашагӀкхетара юкъе дакъа лаьцача наха.
«Ӏаьдала болхлоша шоай аргӀанарча хьоашалгӀа бахкарца чӀоагӀа гӀаддигар могашал эшаенна дола бераш. Кхетачен керттерча турпалаша ГӀордадаси Лаьлигеи теркал ца веш витанзар цхьаккха. Дерригача берашка шоай каьхаташ тӀа дехаш хинна совгӀаташ, дег тӀара доагӀа дӀайха дешаш кхаьчар», - белгалдоаккх тхога бенача хоамо.
Сампенаькъан Салимас яхачох, уж хӀара шера ух интернате. Цу тайпарча гӀулакхаца росгвардейцаша, бераш гӀаддига ца Ӏеш, дӀахайт шоаш даим царна гӀо де кийча болга.
