ГӀалгӀайче дакъа лоацаш я, «Росгвардецара каникулаш» яхача болама юкъе
ГӀалгӀайче дакъа лоацаш я, «Росгвардецара каникулаш» яхача боахама болама юкъе, из хӀанз Россе массайолча моттигашка дӀахьош ба. Дувцача даькъ тӀарча викалашта дагадохарах, каратэх волча дунен чемпиона Зангенаькъан Алисхана Росгварде ишкола дешархошца кхетаче хилар, яхаш, дувц «Сердало» газетага ГӀалгӀайче гӀолла йолча Росгварде Урхаллено.
Дешархошца кхетаче йолаш, спортсмена дийцар, спорте ше хьалхара гӀа баккхарах лаьца, лоархӀаме котало йоаккхача хана, малагӀа декхараш кхоачашде дезаш хулар хӀара каратист.
Кхы а безамегӀа дӀабихьар чемпионаца говзанч-хьехам. Берашта гойтар каратэца ювзаенна говзалаш. ВӀашагӀкхетар йистедоалаш; бераша, шин тоаба декъаденна, «Сакъердамеча ловзарашка» шоай низ гойтар.
Белгалду, Зангенаькъан Алисхана ше хержача цу спорта даькъ тӀа даьха толамаш дукха да. Из ва Казахстана диазза чемпион, из иштта хилар Корея чемпионата финалист.
