«Россе къамий даараш» яха болам хьаллаьцар вай республико
11.11.2024 09:23
Къамашта юкъера барт, кагирхошта юкъера бувзам чӀоагӀбара тӀехьа дӀахьош бола «Россе къамий даараш» яха болам хьаллаьцар вай республике. Из хоам «Сердало» газетага бир кагирхой гӀулакхех, туризмах йолча Министерствон болхлоша.
«РФ 18 къамий даараш кийчдаьдар МагӀалбикерча № 2 йолча ишкола дешархоша. Тайп-тайпарча къамий Ӏадаташ, цар кхача шоаш лоархӀаш долга дӀагойтар бераша. Кхыдолча къамий культураш йовзарал совгӀа, вӀаший доттагӀал тасса а аьттув баьлар кагирхой», - йоах хоамо. Кагирхой гӀулакхех, туризмах йолча Министерствон болхло волча Хьулахой Ахьмада белгалдечох, иштта болча боламо кхувш латтарашта юкъера бувзам, барт чӀоагӀбу.
