ГӏалгӀайче дакъа лоацаш хургья «Пенсионерашта бокъонех йолча марафоне»
Лайчилла бетта 1-ча денгара 30-ча денга кхаччалца «Пенсионерашта бокъонех йола марафон» яхача боламе дакъа лоацаш хургья ГӏалгӀайче. Из кхетаче вӀашагӀъеллай Российски Федераце сага бокъонех волча викала аларах, Халкъашта юкъера къоаной ди хиларца дувзаденна.
Мехко цхьана дӀахьош болча балха таро хургья боламе толам баккха. ГӏалгӀайчен сага бокъонех волча викала аппарата, мехка гӀолла йолча Россе Вахара ганза хьалаш кхолларгда вай къоаной хьаллацара.
«Массайолча оагӀорахьара пенсионераш хьаллацар кхоачашдергда мах боацаш, юридически хьехамаш деча моттигашка гӀолла. Пенсе баха ха йолаш болча наха бокъонашца дувзаденна хаттараш кхоачашде новкъостал дергда. Цу юкъедоагӀаш хургда тахан доккхагӏа долча ноахала хьалхашка нийслуш дола хаттараш. Къаьстта пенсеца Ӏалашо яра дош. Из болх дӀахьош пенсионерашка хоадам болаш хоам бергба цар бокъонех, льготех, каьхаташ кийчдара йола бокъонаш вахара даькъ тӀа хьаллацарах», - аьлар «Сердало» газетага ГӏалгӀай Республикан УПЧ хоамий-аналитически болхлоша.
Юридически новкъостал хьакхоачаш хилар - болама керттера декхар. Еррига консультацеш, хӀама дала ца дезаш, ергья; цо таро лу республикан хӀара пенсионера бокъонаш йовзийташ новкъостал де.
Из болам тӀахьехаш ба доккхагӀа долча ноахала новкъостал дара, пенсионерашта шоай льготаш йовзийтара, долаш дола законаш царна дикагӀа леладе ховргдолаш.
ГӏалгӀайчен юрташка хьехамаш далара йола ханаш йовза йиш я, ГӏалгӀай Республикан УПЧ майдан тӀа.
