«Профессионалитет» яхача проекта доазон чухьа кластер (тоаба) кхолларгья вайцига
Россе дешара министерствос дӀахьош хиннача СПО оагӀонцарча экономикан гӀулакх юкъелоацача онлайн-кхетаче дакъа лоацаш хилар дешареи Ӏилмани гӀулакхех йолча министерствон кулгалхо Цхьорой Ахьмад-Башир. Кхетаче дӀайихьар «Кагирхойи бераши» яхача къаман проектага, «Профессионалитет» яхача федеральни проектага гӀолла. Из хоам «Сердалога» бир министерствера.
Кхетаче дийцар, дешара моттигаша цхьацца болх беча оагӀонца бувзам лелабу дешара-хӀама Ӏомадара кластераш хьакхолларах. Таханарча дийнахьа моттиге эшаш бола говзанчаш кийчбе аьттув лургба цу гӀулакхо.
Белгалде деза, вай мохк проекта доакъашхошта юкъе укх шера эггара хьалха дакъа лоацаш болга. Доалахьара кластер хьаелла 77, 4 млн сом рузкъа лургда вай мехка. Цу гӀулакха чӀоагӀо еча каьхата кулг яздир Россе премьер-министр волча Мишустин Михаила.
