«Дошо гуйре» яха ахархой гойтам чакхбаьлар
10.10.2025 14:12
Ардара бетта 8-ча денгара 11-ча денга кхаччалца, Москве дӀахьош бар аргӀанара XXVӏӏ ахархой «Дошо гуйре» яха гойтам. Цу балха дакъа лоацаш яр ГӏалгӀай Республикан юртбоахама Министерство, Гаьгенаькъан Мухьмад керте волаш, яхаш, хоам бу «Сердало» газетага ахархой боахамо.
Хӏара шера «Дошо гуйре» яха гойтам таро луш ба мехкарча ахархошта керда бувзамаш леладе, балха говзал гойта, шоайла пайда луш йола оагӀонаш лаха.
«Дошо гуйре» тхона я хьалхарча аргӀагӏа профессиональни къамаьл дӀадахьара йола керттера майда. Тха декхар да ГӏалгӀайчен ахархой боахам Россерча дикагӏчарна юкъе болаш дегӏакхувлар. Цудухьа цу тайпарча кхетаченашка дакъа лацаро тхона новкъостал ду тхоай никъ хьалаца», - аьлар ГӏалгӀай Республикан юртбоахама, кхачан министра.
