ГӀалгӀай мохк дакъа лоацаш ба, «ГӀарагӀураш» яхача Ерригроссе боламе
ГӀалгӀай мохк дакъа лоацаш ба, «ГӀарагӀураш» яхача боламе, из дӀахьош ба Россе массайолча миӀингашка. «Крокус Сити Холле» хинна террористически хатарах, вай боккхача мехка балан ди хилар, цу тайпарча моттигашка вай дика кхетаду, вай дерригаш а россиянаш долга; цхьан исторен, культуран, российски дегӀадаьхка нах долга.
Тахан, Красногорске нах боабаь юкъара таьзет долаш, тхо цхьана да. ОагӀонах оагӀув теха цхьана латт тхо, кийча а да эшача моллагӀа долча гӀулакха цхьана дӀаовтта, Даьхен хургдар лораде дагахьа. Из уйла тахан миллионаш болча наьха дегашка я, нах тешаш а ба, кхоане сийрда хургхиларах, царна беза шоай хьамсара мохк.
Укх халача балан деношка, моллагӀча динах вола саг дег чура тхоашца цхьана хилар хоалу.
ГӀалгӀай мехка, цхьаннена а хьалхадаккха ца дезаш, дика хов терроризм мишта хул - вай мехка цу тайпара хатар цкъа хинна Ӏийнадац. Цудухьа тахан дика ховш да, «Крокус Сити Холле» хиннача наьха гаргарча нахага кхаьча бала мел боккха ба. Ерригача Россеца цхьана гӀайгӀа я вайга, лозабаьрашта дарба дех.
ГӀалгӀай мехка хьалтеха мел доахкача улгаш тӀа йолхаш йолча гӀарагӀураша хьагойт, вай кортамукъален, паргӀатон малагӀа мах ба. ГӀалгӀайчен бахархоша шоай оагӀонаш тӀа, социальни бувзамашка, гӀайтта йолхача гӀарагӀурашка гӀолла, хьагойт, уж Россерча наьха дегашка гӀолла тахан йолхаш хилар: вай цхьана да!
