ГӀалгӀай къаман
юкъара газет

Моттигашта юкъе ГӀалгӀайче хьалхалаттарех я бераш дарахи нах бебарахи

«УнахцӀено» яха проект кхоачашъеш, ГӀалгӀай мехка белгалдаьд бахархой бебаш боагӀаш хилар. Вай республике из гойтам 79,2 ба цхьан шера, Россе регионашта юкъе дика хьокхам ба из, аьлар «Сердало» газетага ГӀалгӀай Республикан министрий кабинето.

«Укх тайпара ба из хьокхам юрташкара хьал хьаийцача (1000 сага):

- бераш дар - 15,0 - Российски Федераце гӀолла кхоалагӀа моттиг;

-нах бовр - 3,3 - Российски Федераце гӀолла кӀезигагӀа бола гойтам;

- хила доагӀа бебар - 11,7 - Российски Федераце гӀолла шоллагӀа моттиг», - аьлар мехка ах паччахь волча Сластенин В., ГӀалгӀай Республикан депутаташка, 2023 шера министрий кабинето баьча балхах дувцаш.

Цо иштта белгалдир, дега лазараш долча наха лоаттадаь гӀо-новкъостал, республике шерра диспансеризаци дӀаяхьар, ЖӀайрахьа кхален бахархошта лаьрхӀа дарбанчешка эшачунца новкъостал лоаттадаь хилар, эшаш дола лорий гӀирсаш ийца хилар, лорий балха говзал совйоаккхаш, таьрахьий унахцӀенон дешар дешийта хилар.

ЙоагӀаш йола терко йир «Земский доктор» яха программа кхоачашъяра, балха говзал лакха йола лораш республикан гаьнарча юрташка болх беш хилийтара, юрташкара амбулатореш хьалъяра, ГӀалгӀайчен унахцӀенонца дувзаденна кхыдола декхараш кхоачашдара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде