Доалахьара хӀама дӀадоладаь къонабараш ГӏалгӀай мехка дукхагӀа хулаш боагӀа
ГӏалгӀайче тешшаме гӀа боаккхаш йода, кхоалагӀча моттиге йолаш, Къилбаседа Кавказа моттигашта юкъе къонача бизнесмений балха даькъ тӀа, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
РФ экономикан Министерствос яхачох, 25 шерга кхоачаш ха яьнна предпринимателаш 14,17% хилар чӀоагӀдаьд республике.
Тамашийна да, нийсса ахаш къона предпринимателаш къаьстта СКФО хилар. Цу тайпара толам баккха таро хилар Кавказа мехкашка бизнес ца хаддаш хьаллоацаш хиларах.
ГӏалгӀайчен Кулгалхочо Келаматанаькъан Махьмуд-Ӏаьлас белгалдир, таханарча денга кхоачаш, республике зӀамига а юкъера а бизнес лелаеш 6,7 эзар моттиг хилар - из 10,6% дукхагӀа я дӀадахача шера хинначул. Республико иштта хьагойт хӀама хьадеш бола нах дукхагӀа хилар.
«Лакхе белгалъяьча рейтинга ларда тӀа вай майрра дӀадаха йиш йолаш да, цу даькъ тӀа толам боаккхаш», - аьлар Келаматанаькъан Махьмуд-Ӏаьлас.
