Россе спектаклий «Дошоча ганзе» я вай республика
07.03.2025 12:11
Вай мехкара шоллагӀа спектакль РФ «Дошоча ганза» юкъеяхай. Эггара хьалха берий театра «Дегаза боабашка кӀориг» яр, хӀаьта хӀанз драмтеатра «Безам боацаш хинна дарбанча» яхар я.
2022-ча шера режиссёр йолча Ӏахилганаькъан Фатимас оттайир из спектакль, драматически театре. Цу оагӀонцарча кхелахоша Россе театрашкарча «Дошоча ганза» юкъейихьай из хӀанз. «Сердало» газетага театра болхлоша дийцачох, проекта керттера декхар - боккхача мехка къамий Ӏадаташ, культура, оамалаш гойташ йолач спектаклех «Дошо ганз» вӀашагӀйоллар.
Хьахержа спектаклаш юкъегӀоргья РФ театрашкарча болхлой Союза 150 шу дизар дездеча хоамий компанена, иштта массанахьа дӀагойта лоархӀаме сертификаташ лургда», - дийцар тхога драматически театре.
