СКФО эллиной-румий латарах хьалхале къайсача яхьашка, 6 майдилг яьккхар вай кагирхоша
ГӏалгӀайчен эллиной-румий латарах болча спортсменаша 6 майдилг яьккхар; Къилбаседа Кавказа федеральни куран хьалхале къайсача, яхаш, дийцар «Сердало» газетага ГӏалгӀай республикан спортивни латара Федераце зарбан болх лелабераша.
«Яхьаш Буро тӀа дӀахьош яр, 18 шу даьннарашта юкъе. Цига дикагӀа йола моттигаш яьхар «Ади-Ахьмад» оалача спортивни клуба доакъашхоша: Къоастой Асланбека (51 кг), Налганаькъан Ислама (60 кг); иштта берий-ондаргий Албохчанаькъан Лейлай цӀерагӀча ишколе Ӏомалуш волча Йовлой Ӏаддала (45кг). Цу ишкола викала Налганаькъан Ислама дика говзал гойтар, из шоллагӀча моттиге хилар 45 кг дозал долчарна юкъе. Борза совгӀаташ даьхар Бохтаранаькъан Ӏумара (42 кг), Йовлой Илеза (55 кг), уж иштта Албохчанаькъан Лейлай цӀерагӀча ДЮСШ Ӏомалуш ба», - аьлар хоамо.
Белгалду, уж бераш цига дакъа лоацаш хилар ГӏалгӀай Республикан эллиной-румий латара воккхагӀа волча шоай хьехамчаца Ӏарпенаькъан Исламаца, хьехамчашца Хамхой Исламаца, Диниелян Григореца, Дошхьокхалой Исламаца.
