Контейнерашта моттигаш къоастаеш бола болх дIабихьар мехка
РФ Паччахьалкхен Координационни моттига доазон тIа ТКО оагIонца дувзаденнарех дувцача «ППК РЭО» болхлоша белгалдир, контейнарашта моттигаш къоастаеш, уж Iоувттаеш дола гIулакх вай мехка боаггIача боараме чакхдаьккхалга. Цу балха тIехьа белгалъяьлар кхы а кхо моттиг: Ростовски область, Забайкалье, Архангельски область.
Iалама гIулакхех йолча министерстве белгалдечох, республике укх шера нувхашта лаьрхIа мел эшаш йола контейнераш йолаш я. 2025-ча шера 414 контейнер ийцар мехка.
«Республикерча моттигий санитарни хьал лорадара тIехьа лоархIаме болх ба из. Эшаш хиларга хьежжа, министерствоc тохкам беш, дIа-хьа кхухьаргья уж. Белгалде деза, 2021-ча шера «Экологи» яхача къаман проектага гIолла вай республике 2289 пластмасса контейнераш кхаьчалга 1100 литр къоастам беш нувхаш дIакхувсаргйолаш», - дийцар тхога цу оагIонцарча министерстве.
