Харцар кхерам болча цӀеношкара, 629 саг кердача фусамашка дӀачувохийтаргва
Харцар кхерам болча цӀеношкара кердача фусамашка 629 саг дӀачувахийта лерхӀ республико, пхи шу чулоацача юкъа. Из хоам «Сердало» газетага бир Мехкадаь зарбан болх лелабераша.
«Ваха йиш йоацача цӀеношкарча наха лерттӀа фусамаш Ӏалашъяр вахара политикан керттерча декхарех да. Пхе шера оаха дӀачувахийта лаьрхӀар 629 саг ва. 2019- 2024-гӀа шераш чулоацаш дӀахьош йолча, кхераме йолча фусамашкара нах цӀенача цӀеношка дӀачубахийтара тӀехьа кхеллача программанна чубодаш ба из болх.
Шахьара хьал тоадарах йола къаман проект йоаржаеш, дӀахьош гӀулакх да из», - белгалдир вай мехкадас Келаматанаькъан Махьмуд-Ӏаьлас, цу оагӀонах дувцаш.
Республикан кулгалхочо теркалдир, дӀадахача шера цу мугӀарера болх оттаяьча ханал хьалха йистебаккха аьттув баьннилга, 2024-ча шера дӀа-хьа нийсве везараш 140 саг ва. Ишттача моттигага гӀолла шоай вахара хьал тоаде, эгргадаккха аьттув баргба бахархой.
