ГӏалгӀайчера Саудовски Араве долхаш хургда, хьажол деча наьха фецара кемаш
ГӏалгӀайчен бахархой таро хургья, аьтинга бетта Саудовски Араве вай мехкара долхаш долча фецарча кемашца хьажол де баха, уж лаьрххӀа царна оттадаь хургда. Цох хоам бир республикан Кулгалхочун, Паччахьалкхен зарбан болх лелабераша.
Мехка Кулгалхочо белгалдир, цу тайпара хьалаш вӀашагӀдохкаро из никъ аттача боаккхаргба хьажол де баха безам барашта; цул совгӀа, никъ а лоацагӀа хургба цар, аьнна.
Хӏанз укх сахьате, Хьажолах йолча комитете 500 дехар хьакхаьчад цига баха безам барашкара. Ӏаьдал лаьрхӀа да, ХьажцӀа болхачар моттигаш дукхагӀа хилийта, цига баха безам бараш ди тӀехьагӀа дукхагӀа хулаш боагӀа, царна юкъе лаьрххӀача операце доакъашхой а цар дезал а ба.
«Мехка Паччахьалкхенна тӀадиллад, хьажол де болхача наха эшаш дола хьалаш хилийтар, шоаш лаьрхӀача езача моттиге дӀабаха а цига шоай деза хьажол де а цар таро хургйолаш», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
Белгалду, карарча шера республике 1,3 эзар моттиг я хьажол дечарна хьакъоастаяь, дӀадахача шера хиннача беса.
