Евпаторера крымски татрий кхаьчаб вай мехка
«Одун-базар-къапусы» яхача Евпаторерча культурах, этнографех йолча моттигера викалаш кхаьчаб вай республике. Из хоам «Сердалога» бир культуран гӀулакхех йолча Министерствос.
«Министерствонна кулгал деча Лаьнанаькъан Залинайца къамаьл деш, укх тӀехьарча шерашка бувзам лелабеш дӀабихьача балхах хьоахадир «Одун–базар къапусы» яхача оагӀон хьалха латтача Якубова Дилярас. Иштта цу кхетаче дакъа лоацаш бар кӀувсаш хьадеш йола говзанча Алпазова Эльмаз, Евпаторерча крымски татрий викалаш Асанова Гуляра, Сайтмамбетова Ленара, иштта «Истинг» яхача оагӀон кулгалду Дзовранаькъан Танзила», - йоах тхогарча хоамо.
Кердача проектех дувцаш ха яьккхар гулбеннараша. Министерствон кулгалхочо белгалдир, культурага гӀолла къамашта юкъера барт, бувзам, безам чӀоагӀбе, шербе йиш хилар.
