ГӀалгӀайче баьхка хилар Шолжа-ГӀалий тӀарча мехкдаьттан университета болхлой
17.02.2025 17:07
«Дика кхетаченаш» яхача Ерригроссийски проекта чудоагӀаш, Шолжа-ГӀалий тӀарча паччахьалкхен мехкдаьттан М. Д. Миллионщикова цӀерагӀча технически университета болхлой баьхкар ГӀалгӀайче, яхаш, дувц «Хьалхарчар болама» моттигерча даькъе.
«Лоалахарча мехка викалаш хилар Эккажкъонгий-Юртарча №5 йолча юкъерча ишколе. Хьехархоша дийцар хургболча студенташта мехкдаьттан дешара даькъ тӀа уж тахан эшаш хиларах. Къаьстта терко тӀаяхийтар Шолжа-ГӀалий тӀарча паччахьалкхен мехкдаьттан технически университете лакхара дешар дешарах хьабоалача пайданна», - аьлар хоамо.
Белгалду, царца къамаьл даро берашта новкъостал ду професси харжа а шоай дӀахо дешара оагӀув уйла а яь бегалбе а.
