ГIалгIайче котъяьлар желтий-румий латарах йолча яхье
Ингушская сборная забрала победу на командном турнире по греко-римской борьбе, проводимом в связи с 32-летием принятия закона «О реабилитации репрессированных народов», сообщили корреспонденту газеты «Сердало» в пресс-службе Министерства спорта РИ.
«Ади-Ахьмад» спортивни клубо вIашагIъехкача яхьашка дакъа лоацаш бар 15 шергара 17 шерга кхаччалца ханаш яьннараш. Цига дакъа лоацаш хиннача йиъ командах (Нохчий Республикан вIашагIтеха тоаба, кхо команда ГIалгIайчера яр), хьалхара моттиг яьккхар «Ади-Ахьмад» спортивни клубо, цунна юкъевоагIаш вар 30 кг дозал дола Сейнарой Мухьмад, Къоастой ИбрахIим (44 кг), Овшанаькъан Хьамзат (32 кг), Дугенаькъан Шахбулат (62 кг), Дугенаькъан Адам (68 кг), Умаев Руслан (38 кг), БIарахой Мухьмад (41 кг), Къоастой Ваха (52 кг), Белхарой Адам (57 кг), Бохтаранаькъан Iумар (35 кг).
Хьалхара моттиг яьккхачоа 100 000 сом делар, нохчий команданна, шоллагIа моттиг яккхарах, 50 000 сом делар, гIалгIай шин гулъяьча тоабанна 25 000 сом кхаьчар, кхоалагIа моттиг яккхарах.
Латар эггара чIоагIагIа нах хьожаш йола спорт я, бакъда уж толамаш дахара тIехьалаттар боккха къахьегам ба. Цу тайпара яхьаш дIаяхьарца, саг чIоагIлу, говзал Iомаю, командан юкъе ший моттиг йовзаш хул.
