ГӀалгӀайче Шолжа-ГӀалий тӀа дӀайихьача Йийллача яхьашка котъяьлар
Большое число медалей на Открытых соревнованиях в Чеченской Республике завоевали ингушские спортсмены, сообщили корреспонденту газеты «Сердало» в пресс-службе Федерации спортивной борьбы Ингушетии.
«Яхьаш дӀахьош яр 44 дозала категорех 12-16 шу даьннарашта юкъе «Беной Байсангур» спортивни клуба совгӀаташ доахаш.
Хьалхара моттигаш яьхар Келаматанаькъан Хьамзата (42 кг), Къоастой Асланбека (45 кг), Къоастой Вахас (45 кг), Зайтанаькъан Мехьте (60 кг), Латаранаькъан Ахьмада (68 кг).
Сейнарой Мухьаммада (32 кг), БӀархой Адама (62 кг), Мейренаькъан Ахмада (62 кг) «дотув» даьккхар. Дугенаькъан Адама (75 кг), Йовлой Хьамзата (80 кг), Дугенаькъан Шахьболата (68 кг) борза совгӀаташ даьхар. Беррига ондаргаш «Ади-Ахьмад» спортивни клубе Ӏомалуш ба», — йоах хоамо.
Кхувш йоагӀача тӀехьено цӀаькхаза а хьагойтар шоаш боккхийчар когаметта дӀаовтарг хилар. ГӀалгӀайчен кхоане тешамеча бе я. Иштта белгалдаккха безам ба «Ади Ахьмада» клуб вӀашагӀъеллача Харсенаькъан Ӏалихана деш дола новкъостал. Из дика накъадоалаш да къонача тӀехьенца лерттӀа болх дӀабахьара», — аьлар ГӀалгӀайчен спортивни латара Федераце президента Белхарой Руслана.
