ГIалгIай спортсменаша ММА яхьашка 10 майдилг яьккхар
Десять ингушских бойцов принесли республике победу на Чемпионате СКФО по смешанному боевому единоборству ММА, сообщили корреспонденту газеты «Сердало» работники Министерства спорта Республики Ингушетия.
«Нохчий Республике, тушола бетта ялхайттлагIча дийнахьа денз ткъестлагIча денга кхаччалца, дIахьош хиннача яхьашка дакъа лаьцар спортсменаша Кхоартой ИбрахIима, Хоасботанаькъан Аслана, Хамхой Адама, Кхоартой Билана, цар дошо майдилгаш яьхар.
Дото совгIаташ даьхарех вар Магомедов Джамбулат, Овшанаькъан Тамерлан. Борза совгIаташ кхаьчар Малсаганаькъан Мухьмадага, ГIудантанаькъан Мухьмад-Аминага, Дзейтанаькъан Аптега, Иленаькъан Ясирага», — йоах хоамо.
Вай командас яьккхар юкъарча къовсаме хьалхара моттиг. Котбаьннарех итт саг яхьеваргва Ханты-Мансийске дIахьоргйолча Россе чемпионате. Из дIаяхьа лерхI карарча шера маьтсела бетта 31 денгара кIимарса бетта 4-ча денга кхаччалца.
