Семинаре дакъа лоацаш ба мехкахой
Активисты общественных организаций Республики Ингушетия участвуют в учебном семинаре центра знаний «Машук» города Пятигорск, сообщили корреспонденту газеты «Сердало» в пресс-службе Коммолодежи.
«Коммерчески лоархӀаш йоацача Къилбаседа Кавказерча моттигий кагирхой проекташта юкъе дӀахьоча яхьех гранташ яха ловш барашта, вӀашагӀъеллай из программа. Бизнес кхоллаш, ха дезаш мел дар Ӏомадир цига. Проект оттаеш эггара лоархӀамегӀдараш дайзар царна. Ӏомабалар йистедаьлча, цу гӀулакха болча говзанчашца къамаьл хилар доакъашхой. Дагалаттача хаттарашта жоп луш, ха дӀайихьар цар», — йоах тхога бенача хоамо.
«Дуккха кердадараш дайзар вай мехкахошта. Шоашта дайзачох, вай республике пайда эцаргба, аьнна, хет сона вай кагирхоша. Мехка хьал тоадеш, къахьега аьттув хилба цар массане», — аьлар кагирхой гӀулакхах йолча комитета керттерча болхлочо Ведажанаькъан Зоврбика.
