«Форум вӀашагӀъеллараша яхачох, спикера гулбеннарашка хоам бир монтаж нийса мишта е еза хьалхадоаккхаш, иштта цо белгалдир видеокадр нийса оттадара юкъе каст-каста нийслуш дола гӀалаташ. Дешара оагӀонаш ювцаш дола къамаьл дир видеографа, клипмейкера, монтажа режиссера, Екатеринбург шахьара Гуманитарни университета факультете дийшача Черри Алёнас», — йоах хоамо.

«Алёнас дийцар лоархӀаме хӀамаш. Юххьанца видео яккхарах башха лоадам боаца хӀама хет, бакъда из, ма дарра дийцача, пайда луш йола вахара моттиг я, цунга гӀолла шийна хетар а ала йиш я», — аьлар Москвера венача доакъашхочо Крыгин Олега.