«Яхьаш шин даькъах латташ я. «Сакъердаме книжка» яхача даькъа юкъегIоргда берашта лаьрхIа даь Iилман йоазош. «Фаьлг» яхача даькъа юкъедолх берашта кхелла исбахьален йоазош. Россе паччахьалкхен берий библиотекан преми цу даькъе укх шера кхаь сага эцаргья. Хьалхарча лагIа тIа ваьнначоа кхоачаргдола ахча 600 000 сом да, шоллагIа моттиг яьккхачо эцаргда 400 000 сом, кхоалагIча моттигага кхаьчачун лургда 200 000. «Сакъердаме книжка» яхача даькъе котваьнначоа дала лерхI 300 000 сом», — йоах тхога кхаьчача хоамо.

Белгалде деза, дакъа лаца ловш волчунгара каьхаташ, гуйран хьалхара бутт хьатIакхаччалца дIачуийдергдолга. Ер шу чакхдоалача хана, дIакхайкабергба котбаьннараш.