«Спортивни яхьаш дIайихьар маьтсела бетта 11-12-ча деношка, Коталон ди дездара чуйоагIаш. Къоастой Iаддалас (50 м. баттерфляй), Льянов Имрана (50 м. брасс), Мартазанаькъан Мухьмада (20 м. комплексни наьк дарах) дотув даьккхар. Уж бар 2009-2010 шерашка баь. Из ха яьннарашта юкъе борза мейдилг елар Къоастой Iаддала (50 метр букъ тIа наьк дарах), Малсаганаькъан Азраила, цунна ши мейдилг елар, уж яр 100 метр брассах — дото мейдилг, 50 метр брассах — борза мейдилг. Бераш Iомадеш ва наьк дара йолча ГIалгIайчен Федераце президент Малсаганаькъан Iамархан», — аьлар ГIалгIай Республикан спорта Министерстве.

Белгалдаккха деза, Махачкале дIайихьача наьк дарах йолча хьалхлене дакъа лоацаш хилар, шоай говзал гойташ, Къилбаседа Кавказа Федеральни даькъ тIара тайп-тайпарча моттигашкара баьхка спортсменаш. Хьалхле дIайихьар Махачкалерча «Земфира» яхача спортивни комплексо.