Тушола бетта 27-ча денгара 31 денга кхаччалца, «Кванториума» кIийлен тIа проектни ишкола дешар дIадихьар. Хьалхарча дийнахьа ишкола дешархошта технопарка хьехархоша лекцеш йийшар, цу тайпара цар хьалхадаьккхар проект мишта хьакхолла еза, белгалйир текст язъяра йола оагIонаш.

Дешара программа йистеяьнначул тIехьагIа, дешархоша «Кванториума» доазон тIа шоай доалахьара балхаш дир. Юххерча дийнахьа командаша шоай проекташ йистеяьхар.

«Автоквантум» тоаба чубоагIача дешархоша хица болх беш хургйола, хехкаш йола, радиоца дIа-юха лелаш, модель хьакхеллар, хIаьта «Хайтек» команда йир МагIалбика тIема «Дагалоаттама карта» яха ЗD модель, «Аэроквантума» доакъашхоша гойтар F-22 истребитела модель а, цун болх а, энерджиквантумцаша «Кванториума» белгало маьлха батарейца цахаддаш болх беш хургйола проект гойтар, «Робоквантум» команда «Коача сапа чулеладу кеп йир», — аьлар хоамо.

Проектни ишкола доакъашхоша дика пайда эцаш каникулаш дIайихьар.

Ерригача коллектива цIерагIа сона ала ловра даьхача толамаш тIа цасецар, дIахо а дегIадоагIаш хилар», — аьлар берий «Кванториум» технопарка кулгалхочо Янданаькъан Салмана.