«Лергдоаца сур» яхача болама юкъе, дакъа лаьцар Санкт-Петербургерча гӀалгӀаша
10.05.2025 20:43
«Лергдоаца сур» яхача болама юкъе, дакъа лаца арабаьлар Санкт-Петербурге Ӏеш бола вай мехкахой. Из хоам «Сердалога» бир Миннаца болхлоша.
Лакха айяь, михаца шершаш ГӀалгӀайчен байракх йолаш, Сийлахь-боккхача Даьймехка тӀема юкъе фашист вохавеш лаьттача шоай гаргарча наьха - 16 бӀухочун сурташ бе доахкаш, болабелар уж.
Унзарча блокадаца а советски адам ший низах дохаде ца мегача шахьара наькъашка гӀолла, боагӀар кагирхой, нийсбенна ха яьннараш, къоаной, бераш; тӀема истори шоай дегашка массахана дахаргдолга белгалдеш.
