ДӀаьхача дукъах яхача моттигера хьабаьннача гӀалгӀаша къахьегама шоатта дир
02.09.2024 10:10
Бурон юхе уллача ДӀаьхача дукъах (Терк) яхвчара хьабаьннача гӀалгӀаша къахьегама шоатта дӀадихьар, дай боахкача кашамашка. Республикерча Миннаца гӀо деш, дӀабихьар из болх.
«Кашамашкара, иштта гонахьарча доазон тӀара буц дӀахьокхаш, нувхаш дӀайоахаш къахьийгар гулбеннараша. Белгалде деза, цу тайпара болх Пригородни кхален вай къаман кашамашка массахана дӀакхухьаш болга», - дийцар «Сердало» газетага Миннаца болхлочо.
Каст-каста кашамашка вахар, ший гаргара нах боахкача моттиге кулг тохар, лостам бар лоархӀаме да вайх хӀаранена.
