Россе Минздрава Российски лорий университета ГӀалгӀайчен ассоциаци

Мехка хьалхале лелаечарех цаӀ йолча вузе дешаш ва ГӀалгӀайчен 150 студент. 2021 шера денз, цар цу вузе хьакхеллай ГӀалгӀайчен кагирхой ассоциаци, цунна керте латт стоматологе факультета 4-ча курса студент Йовлой ИбрахӀим, иштта дарбан факультета 4-ча курса студентка Коазой Дениза.
Кагирхоша дика дакъа лоац дукхача кхетаченашка, шоай дешара моттиге хинна а ца Ӏеш, гӀалгӀай къаман викалаша дӀахьош йолча кхетаченашка а. Цох дийцар Москверча ГӀалгӀай Республикан массазарча викалий зарбан болх лелабераша.
«Масала, тха студенташа новкъостал дир ГӀалгӀай Республикан культуран Ди долаш кхетаче дӀаяхьа, из дӀахьош яр Москверча къамий цӀагӀа, дӀадахача шера оагӀой бетта.
Цар иштта гӀо дир зӀамигача футболах йола доттагӀала Кубок, кхыйола спортивни кхетаченаш дӀахьош», - аьлар ГӀалгӀай Республикан массазарча викалаша.