Калининградера вай къаман нах дика болхлой санна белгалбир
Къамашта юкъера бувзам, барт чӀоагӀбеча Калининградерча гӀалгӀай къаман культурах йолча автономе дӀахьош бола болх белгалбир Гурьевски оагӀон администраце кулгалхочун къамашта юкъерча бувзамах йолча комиссе. Из хоам «Сердалога» бир мехкарча Миннаца.
Калининградерча викалаша дӀахьоча балхацара керттердараш теркалдир комиссе дӀайихьача кхетаче, къаьстта «Коталон бӀаьсти» яха боккха болам дӀабахьа кийчо яр.
«Боламе дакъа лоацаш мел хиннарашта къамашта юкъера барт, бувзам чӀоагӀбеш къахьегарах совгӀаташ делар. Комиссе доакъашхоша белгалдир, ИНКАс лакхача боараме ший болх дӀабахьар.
ГӀалгӀай автономе къахьегар теркалдарал совгӀа, дӀахо йодача Калининграде къамашта юкъера бувзам чӀоагӀбеш болх дӀабахьара гӀулакх кхы а дикагӀа тоадир цу моттиго. Къамашта юкъера цхьоагӀо, бувзам, культураца дувзаденнараш мел лоархӀаме да хьагойтар цӀаькха», - дийцар Миннаце.
