ГӀалгӀайчен боксёраш «Волга тӀа латар» яхача халкъашта юкъерча яхье котбаьлар
09.10.2024 15:36
ГӀалгӀайчен боксёраш котбаьлар, «Волга тӀа Латар» яхача халкъашта юкъерча яхьашка, цига дакъа лоацаш вар, пхе мехкара вена 500 къона спортсмен, яхаш, дийцар «Сердало» газетага ГӀалгӀай Республикан бокса Федераце.
«ГӀалгӀайченна дошо майдилгаш ера Янданаькъан Рамзана (66 кг), Албохчанаькъан Аслана (26 кг), Къоастой Билала (50 кг), Цхьорой Ӏумара (60 кг), Ӏоахарганаькъан Домира (44 кг), Албохчанаькъан Илеза.
Къоастой Мухьмад-Амина гӀадйигар ший спортивни клуб шоллагӀа моттиг яккхарца. КхоалагӀа моттиг яьккхар Гаьгенаькъан Назира (36 кг), Баркинхой Илеза (50 кг), Мартазанаькъан Расула (48 кг)», - аьлар хоамо.
Белгалдаккха деза, котбаьннараш кийчбаь тренераш Амсадов Мансури Баркинхой Вахеи хилар.
