Вай боксёраша дика толамаш гойтар, Пятигорске хиннача яхье
ГӏалгӀайчен боксёраша дика толамаш даьхар Пятигорске боксах яхь дӀахьош зӀамагӀчарна, ондаргашта юкъе. Из йийлла Хьалхале яккхара къовсамаш дар, яхаш, дийцар «Сердало» газетага ГӏалгӀай Республикан бокса Федераце зарбан болх лелабераша.
Цига дакъа лоацаш хилар тӀоарска кулгахйоаллорга 400 говзанча. И.Н. Никулина дагалоаттама хетаяь дӀайихьача яхьий чаккхе еш, гӀалгӀай гулъяьча тоабо 17 мейдилг яьккхар тайп-тайпарча боарамашка. Хьалхалене котваьлар шоай ханарчарца латаш Марзенаькъан Мухьмад-Ӏаьла (26 кг), Тоачанаькъан Хабибула (36 кг), МутаӀаланаькъан Мухьмад-Басир (34 кг), Шовланаькъан Абу-Бакр (36 кг), Цӏечой Ӏадрахьман (36 кг), Тутайнаькъан Мухьаммад-Амин( 46 кг), Оздой АбдуллахӀ (50 кг), Жандаранаькъан Ахьмад (46 кг), Тиймарзанаькъан Ислам (60 кг), Дидиганаькъан Хьамзат (63 кг), Буражанаькъан Жабраил (80 кг).
ШоллагӀа моттиг яьккхар Жандаранаькъан Билала (28 кг), Чуранаькъан ӏаддал-Малика (34 кг), Жандаранаькъан Ӏумара (32 кг), Жандаранаькъан Рамазана (44 кг), Янданаькъан ӏаддала (60 кг), иштта Гаьгенаькъан Рашида (60 кг).
Белгалду уж кийчбаьбар хьехамчаша: Жандаранаькъан Микаила, Местой Макшарипа, Шоанахой Беслана, Жандаранаькъан Заура.
