ГӏалгӀайчен футболисташа цхьаькха а котало яьккхар «Amateur League»
17.07.2025 12:16
ГӀалгӀай футбольни командех цаӀ йола «Мочха» дакъа лоацаш хилар Хьалхарча лиге, из котъяьлар нохчий «Фортунал», яхаш, хоам бу «Сердало» газетага спортсмений лаьрххӀача викалаша.
«Из йиълагӀа вӀаштта нийсъенна котало яр цу тоабанна. Ловзар дӀахьош йола вож оагӀув геттара чӀоагӀа духьалъотташ хиннаяле а, вай футболисташ котбаьлар. Ловзара хьалхара дакъа юкъекхаьчача хана, ГӀаьнажанаькъан Ахьмада бургац дӀа а енна, Тӏоаршхой Мухьаммада из нийса наӀарашка чутехар. Цхьана низ тӀабахийта, иштта аьттув баьлар Жандиганаькъан Ӏумареи Дарсиганаькъан Мухьаммадеи», - аьлар хоамо.
Белгалду, кхетаче хилар Шолжа-Гӏалан «Войково» оалача стадионе.
