«Гелдаган» яхача нохчий ЛФЛ дакъа лоацаш хургба вай футболисташ
23.01.2026 12:45
Вай мехкарча футбола кхаь тоабо нохчий «Гелдаган» ЛФЛ дакъа лоацаргда. «Сердалога» из хоам бир футбола федерацера.
2026-ча шера «Реал Шолжа-Шахьар», «Магас» яха тоабаш Лакхерча лиге ловзаш хургья, «Дарба» Хьалхарча лиге говзал гойташ хургья. Ловзаргйолча 16 тоабанна юкъе вай мехкара ши тоаба хургья.
Дӏадахача шера «Реал Шолжа-Шахьар» яхача тоабо СКФО чемпионате котало яьккхар. Гӏалгӏайчен чемпион, Гӏалгӏайчен Кубок йоаккхаш, нохчий футбол езарий лиге котало йоаккхаш белгала хилар. Мархенаькъан Дауда кулгал деш йола «Магас» цӏенхаштта къахьега лаьрхӏа я.
2026-ча шера бӏаьстан хьалхарча бетта йолалу яхь, Рамадан бутт дӏабоаллашехь. Лакхерча лиган совгӏата ганз 1 500 000 ахчах латташ я.
