ГӀалгӀайчен каратисташ белгалбаьлар «ЧӀоагӀа латар» яхача Халкъашта юкъерча яхье
ГӀалгӀайчен вӀашагӀтехача тоабо дика толамаш даьхар «ЧӀоагӀа латар» яхача массадолча тайпара латара Халкъашта юкъерча яхьашка. Вай мехкахоша 6 майдилг яьккхар тайп-тайпарча боараме, яхаш, дийцар «Сердало» газетага цунна чубоагӀача боахаме.
Нохчий Республикан столице спортсменаш гулбелар Къилбаседа Кавказа, Малхбоален федеральни куранна чуйоагӀача тайп-тайпарча моттигашкара. Программанна чудоагӀаш дар 25 тайпара дозалаш дола спортсменаш яхьебалар.
Цига дика толам баьккхар Пхьиленаькъан Мухьмада (14-15 шу, 72 кг), Шовхаланаькъан Илеза (12-13 шу, 48 кг), Пхьиленаькъан Ахьмада (8-9 шу,36+кг), цар «дошув» даьккхар.
Угарчанаькъан Мухьмада (12-13 шу, 34 кг), иштта Пхьиленаькъан Ӏумара (12-13 шу,45 кг) уж цхьа гӀа мара эшаш бацар коталонга кхача. Цар яьхар дото майдилгаш.
Шовхаланаькъан Махьде боарза майдилг яьккхар (6-7 шу, 21 кг).
