Вай шахбоксёраш кхо майдилг яьккхар, дунен чемпионате а Хьалхале яккхара яхьашка а
ГӏалгӀай шахбоксёраша кхо майдилг яьккхар дунен чемпионате, иштта дуненна Хьалхале яккхара яхьашка. Уж дӏахьош яр Серберча Лозница яхача шахьаре, яхаш, дийцар «Сердало» газетага мехка спорта Министерствон зарбан болх лелабеча Гӏаппархой Аишас.
Белгалду, шахбокс - из вӏашагӏъийна спорта кеп хилар, жӏакех ловзар иштта бокс шоайла хувцаш дӀахьош йола.
Массехк дийнахьа шоай ловзара говзал гойтар жӏакех 18 мехкара баьхкача викалаша, цу юкъе дар Франци, Итали, США, Турци, Германи, Серби, Латви яха а кхыдола а мехкаш. Россе тоабо котало яьккхар юкъарча толамашка диллача.
Тиймарзанаькъан Ислама цӀерагӀча бокс дегӀайоалаяра Центре Ӏомалучар кхоъ совгӀат даьккхар. Баркинхой Илеза «дошув» (16-17 шу), дозал 54 кг. Цхьорой Ӏумара шоллагӀа моттиг яьккхар (13-14 шу), 65 кг дозал долаш. Бабхой Мухьмада (13-14 шу) борза совгӀат дера, 52 кг дозал долаш.
