ГӏалгӀайчен СК тохкамхоша наӀараш хьайийллар хургболча криминалисташта
Криминалистий профессиональни цӀай долаш, ГӏалгӀай Республике гӀолла йолча Россе СК Тохкама урхаллено вӀашагӀбеллар йийллача наӀарий болх; из лаьрхӀа бар, Магас шахьара №1 йолча «Юкъерча дешара ишкола-берий беша» РФ Тохкама комитета ГБОУ кадетий класса дешархошта.
Хургбола тохкамхой таро хилар цигарча балхага хьажа. Болхлоша кадеташта лаьрхӀа экскурси дӀайихьар, берашта дийцар Тохкама комитета болх вӀашагӀболларах, криминалистий балха оагӀонех.
Геттара берий терко тӀаозаш дар криминалистически техника гойтар. Криминалисташа дийцар шоай болх дика дӀабахьарца дувзаденнар, СК дешара моттигашка деша оттара долча хьалех. Кадеташа хаттараш телар тохкамхой балхацара цхьаццадараш довза гӀерташ, царна жоп делар дизза.
Кхетаче чакхйоалаш, доакъашхоша йист ца хулача минотаца сий дир, лаьрххӀа йола операци дӀахьош бейнача бӀухой. Тохкама урхаллен болхлоша кадеташта ловца баьккхар цар дешар а уйлаш а кхоачашхилар ловш, хӀаьта бераша а уж даькъалабийцар цар цӀайца.
