ГӏалгӀайчен студенташ толамаш доахаш ба, Москве шоаш вӀашагӀъеллача лиге
07.10.2025 10:59
ГӏалгӀайчен студенташа дика толамаш доах, Москве шоаш вӀашагӀъеллача лиге. Вай футболисташа котало яьккхар «Лилль» футбола командагара, чот 3:1 йолаш, яхаш, дийцар «Сердало» газетага футбола Федераце.
«Ангушт Москва» тоаба котъяьлар пхе ловзарах. Геттара тӀатеӏӀа духьале еча ловзарга хьежжа доацаш, вай мехкахой ка яьлар шоашца ловзаш хиннарашта духьалъотта. Хьалха латта Дзовранаькъан Заура бургац чуяккхара кӀийле кийчйир. Овшанаькъан Мухьмада из чутехар. Чаккхе хилар 3:1 «Ангушт» тоабага совле йолаш», - аьлар хоамо.
Белгалду, ардара бетта 11-ча дийнахьа, кхетаче хургья «Ангушт Москвай» футбола «Луч» яхача командаца.
