«Толлеса диктант» яхача боламе котбаьлар вай студенташ
18.03.2025 15:29
Немций меттах долча «Толлеса диктант» яхача боламе-яхье котбаьлар вай университетера хьехархойи студенташи. Из хоам «Сердалога» бир цу моттигера. «Немций мотт боаржабара, из нийса язбара тӀехьа дӀахьош яр яхьаш. Кхоачашде дезаш хиннараш аттачарех деце а, шоай гӀулакх дика чакхдаьккхар вай мехкахоша», - дийцар тха газетага университете.
А 2 яхача оагӀонца котало яьккхар хьалхарча курсе дешаш йолча Цхьорой Аминас; шоллагӀа моттиг яьккхар 4-ча курсе багӀача Чиленаькъан Лизас, Хамхой Маккас; кхоалагӀча моттиге массехк саг хилар: Мартазанаькъан Милана (4-гӀа курс), ПхьугӀой Аьсет, Мерешканаькъан Ясмалина ( 1-гӀа курс).
В2 яхача оагӀонца белгалъяьлар кхоалагӀча курсера Хамхой Макка, С1 яхача оагӀонца котало Хазанаькъан М. яьккхар.
