ГӏалгӀай тхэквондисташа дакъа лаьцар Черкесскерча яхьашка
27.01.2026 13:22
ГӏалгӀайчен спорсменаш дакъа лоацаш хилар, «Россе тхэквондо Союза Президента Кубок» яхача ВТО яхьашка, уж дӀайихьар Черкесске.
«Котало яккха дагахьа яхье дакъа лоацаш хилар 950 тхэквондист, уж бар 32 моттигера. ГӏалгӀайчен гулъяьча тоабанна чувоагӀаш, Овшанаькъан Мухьмад-Амина дошо майдилг яьккхар, 61 кг дозал долаш. Хуцыев Мухьмада борза совгӀат даьккхар, 37 кг дозал долаш. Из бахьан долаш, цар таро я ондаргашта юкъе дӀахьоргйолча Россе хьалхален юкъе дакъа лаца», - аьлар моттигерча спорта Министерстве.
Белгалду, совгӀаташ даьхараш кийчо яь бар Къарший-Черсий Республике дӀайихьача яхьашка, цар хьехамчаш бар Къамурзой Хьамза, Меданаькъан Ахьмад, Гаьгенаькъан Мухьаммад, Къамурзой Илез.
