«Шахьарий къовсам» яхача грант луча яхьашка, котало яьккхар «Сийг» яхача гӀалгӀай ансамбло
«Шахьарашта юкъера къовсам» яхача ӀӀ - ча, грант луча халхарий яхьашка котало яьккхар Эбарга-Юртарча «Сийг» яхача берий ансамбло. Из хоам «Сердалога» бир воккхача хьехамчас Имагожанаькъан Мухьмада.
ДӀабахача бетта 31-ча денгара ахкан хьалхарча бетта 1-ча денга кхоачаш, Железноводске дӀайихьар 280 халхар гойташ йола яхьаш. «Берий кхоане», ӀnternatӀonal Dance CouncӀl (CӀD) яхача халкъашта юкъерча культуран оагӀон гӀулакх мехкарча 80 тоабо хьаллаьцар.
Ялх халхарца шоай начӀал гойташ хилар цига вай мехкара бераш. Кхаьннех «Сийг» яхача ансамбла 10 балл оттабир, тӀехьарчарех- 9 балл. Къаман халхарех Гран-при яьккхай вай бераша, иштта Гран-при Борза сертификат.
Ахчанца гӀо дергда тоабанна дегӀааха; Москве, Санкт-Петербурге дӀаехарья из. Белгалде деза, «Сийг» яха ансамбль хӀанз пхезлагӀа котало йоаккхаш йолга.
«Кастта ший 33 шу дездергдолча республиканна хетаю оаха из котало. ДӀахо а дикка толамаш доахаш къахьега лаьрхӀа да тхо, массайолча оагӀонех 10 балл увттаергйолаш болх бергба оаха», - дийцар Имагожанаькъан Мухьмада.
