Боксёра Матенаькъан Хьамзата котало яьккхар, Россе Хьалхале къайсача
26.05.2025 16:32
ГӀалгӀайчен боксёра Матенаькъан Хьамзата котало яьккхар, Россе Хьалхале яккхара яхьашка, уж хетаяь яр халкъашта юкъерча класса спорта мастера Павлюков Николайна, яхаш, дийцар моттигерча спорта Министерстве.
«Краснодар-Шахьаре вай мехкахочо, московски сборнена чувоагӀаш, 19-22 шу даьннарашта юкъе дӀахьоча яхьашка ше говзал лакха йолаш хилар гойтар. 60 кг дозал дарашта юкъе из дошо майдилг яккхарах, цун бокъо я Европан Хьалхале къовсача ваха, из яхь хургья 2025 шера Эрмалой доазон тӀа.
Дукха ха я цо МутаӀаланаькъан Альбертаца, Дзовранаькъан Мухьмадаца кийчо еш латта», - аьлар хоамо.
