Гӏалгӏайчен дзюдоиста Пхьарчанаькъан Абдуллахӏа дика толам баьккхар, дунен Хьалхале къовсача
Гӏалгӏайчен дзюдо ишколе ӏамавеннача Пхьарчанаькъан Абдуллахӏа дика толам баьккхар дунен Хьалхале къайсача 21 шу даьннача спортсменашта юкъе, из дӏайихьар Лима-Шахьаре, яхаш, дийцар «Сердало» газетага Гӏалгӏай Республикан спорта Министерствон зарбан болх лелабеча Гӏаппархой Аишас.
Гӏалгӏайчен вахархочо Хьалхален шозза дото котало яьккхар. Укх наькъа из вар Перу, 66 килограмм дозал дарашца латаш. Абдуллахӏа лата вийзар Европа кагирхой чемпионаца Италерча Федерико Нинфоца, французаца Килиан Ноэлеца. Гӏуозлой Европа Хьалхален ондаргий чемпионаца Мусаев Махаммадаца латаш, судахоша терко тӏаяхийтар вай дзюдоиста спорта говзала.
Ах финал йолаш цо иштта эшавир эггара цӏихеза вола Японера спортсмен, хӏанз латаш вола дунен 21 шу даьннарашта юкъе, иштта «Дунен сере» майдилг лелаеш вола Сюнтаро Фукучи.
Тӏеххьара латар дӏахьош, ондаргий, кагийбарий Европан Кубке Гуржегӏарча спортсмена Торнике Гигауре дика ка яьлар, цо Абдуллахӏ вожавир «иппон» яьккха. Вай спортсмен кийчваьр Пхьарчанаькъан ӏалихан вар.
