«Бераш ухаргда «Берий дуне» яхача Илдарха-Гӏалий тӀарча берий беша. Уж дегӀаахара укхаза эшаш мел дар долаш да. Цу деша баха ха йоацарий моттиге къахьегаш ба шоай болх дика бовзаш бола хьехархой, царна дика хов шоай берашта эшаш дола дика хьалаш вӀашагӀдохка, цар кхерамзлен Ӏалашо е. Цар лаьрххӀа болх бу берашца, начӀал гучадоаккхаш», - аьлар «Сердало» газетага Темарханаькъан Ӏийсас.

Берий беша цар Ӏомадергда гонахьара дуне, къамаьл дара шаьрлургба, шоай ханарча а боккхагӀа болча а нахаца цхьана боккхий хургба. Иштта физически культурах, сурташ дахкарах, ашараш Ӏомаярах йола урокаш а хургья. «Берий дуне» - из я, бераш дика дегӀаухаргдолаш, царна мел эшар лоаттаду моттиг.