«Каьхат» яха гӏалгӏай фильм дакъа лоацаш да халкъашта юкъерча фестивале
Иордане столице чакхъяьлар хӏара шера дӏахьош йола халкъашта юкъера «Karama Human Rӏghts Fӏlm Festӏval» («Карама Сага бокъонашта хетаяь кинофестиваль») Кинокхетачено юха а сага бокъонаш лораярца, кӏоаргача хаттарашта жоп даларца ювзаенна цхьатарра уйлаш йола автораш гулбир.
Цунца чӏоагӏдир бокъоний хьакъехьа кортамукъале йолча наькъ тӏа шоаш хилар. Фестивале гойтар тайп-тайпарча жанрех дола кино, боарама кепаш а яр ах боарм болчунгара дӏадоладенна, документальни а лоаца боарам болча а фильмашка кхаччалца. Цига терко тӏаяхийтар «Каьхат» яхача фильма, из хьакхеллар я Гӏалгӏай къаман киностуди.
«Хьалха оаха хоам баьбар, из болх вӏашагӏбеллараша тхоаш дакъа лаца дийха хиларах, оаха лаьрхӏар вай истори дунен кинон юкъарлонна гойта - «Каьхат» яха фильм белгалдир, хьалхара совгӏат луш, кинофестивале хиннача жюре. Боаггӏача беса мах оттабир режиссёра балха а. Иштта белгалдир оператора болх дика баь хилар»,-аьлар Гӏалгӏайчен кинематографе болхлочо.
«Каьхат» яха Гӏалгӏайчен кинолента хьатӏадоагӏача шера дакъа лоацаш хургда Dhaka ӏnternatӏonal Fӏlm Festӏval (Даккера дунен халкъашта юкъера кинофестиваль), из хургья наджгоанцхой бетта 8-ча денгара 18-ча денга кхаччалца, Бангладеша столице Дакке. Из я йоккхагӏчарех цаӏ йола Къулбехьен Азе культуран кхетаче. Фестивало хьагойт цецвоаккхаш дола географически тайп-тайпара хьал. 2026 шера 75 мехкара кинематографисташ дакъа лоацаш хургба цига.
Белгалду, оагӏой бутт дӏаболалуш, «Каьхат» яха фильм дакъа лоацаш хилар цхьаькха цхьан лоархӏамеча, Лагосе (Нигери) дӏахьош хиннача «Afrӏca ӏnternatӏonal Human Rӏghts Fӏlm Festӏval» (Сага бокъонех йола африкански дунен халкъашта юкъера фестиваль) яхача кинон кхетачене. Тхо сатувсаш да цига а вай кинос толам баккхарга, тхона иштта лов гӏалгӏай кино массаннахьа дика тӏаэцар.
