Финлянде гулъяьча тоабан юкъе, ловзаш ва вай футболист Мархенаькъан Адам
09.09.2025 10:08
Финлянде вӏашагӏтехача тоабанца ловзаш ва гӏалгӏай футболист Мархенаькъан Адам. Из хоам «Сердалога» бир футбола федераце.
«Дуккхача шерашка ше ӏомаяь говзал гойташ, къахьийгар вай мехкахочо Финляндерча футболисташца. 64 минота бургац чу ца тохийташ, шоай оагӏув лоарабеш лаьттар из, дӏахо Камару Гленайца хийцар из гӏулакх», - йоах тхога бенача хоамо.
Цу тоабан юкъе волаш, хьалхара ловзар дар из ах лорбо волча Адама. Дунен чемпионатага хоржарашта юкъе кхоалагӏча моттиге латт тахан фински футболисташ.
